Алматы. 25 ақпан. 7kun.kz – Нұрсұлтан Назарбаев Парламент Мәжілісі бюросының отырысында Министерлер кабинетінің жаңа басшысы ретінде неге Асқар Маминді таңдағанын түсіндірді.

"Оның (Асқар Маминнің) қажетті тәжірибесі бар, ширек ғасыр менімен бірге жұмыс істейді. Қала әкімі, көлік министрі, премьер-Министрдің бірінші орынбасары болды. Оның бастамасымен, әсіресе инфрақұрылымдық даму саласында көп нәрсе жүзеге асырылды", - деді Мемлекет басшысы.

Сондай-ақ, Президент Маминнің интеграциялық бірлестіктердің жұмысына және бірлескен жобаларды іске асыруға белсенді қатысқанын атап өтті.

"Бүгін қиын уақыт. Біздің алдымызда маңызды міндеттер тұр. Жылдам алға жылжу қажет", - деді елбасы.