Астана. 26 қыркүйек. 7kun.kz – Қайрат Боранбаевты күзетпен ұстау бұлтартпау мерзімі ұзартылды. Бұл туралы Астана қалалық соты баспасөз қызметінен хабарлады.

«2022 жылғы 8 қыркүйекте Астана қаласының мамандандырылған ауданаралық тергеу соты күдікті Қайрат Боранбаевқа қатысты белгіленген күзетпен ұстау түріндегі бұлтартпау шарасының мерзімін бір айға ұзартты», - делінген хабарламада.

Айта кетейік, 17 наурызда қаржы мониторингі агенттігі квазимемлекеттік секторда аса ірі мөлшерде қаржы жымқыру дерегі бойынша қылмыстық істі тергеуді бастаған еді. Белгілі олигарх Қайрат Боранбаев қылмыс жасады деген күдікпен ұсталып, уақытша ұстау изоляторына қамалған болатын.