Алматы. 3 мамыр. 7kun.kz  – Бұл туралы ҚР Бас прокуратурасы бірінші қызметі басшысының орынбасары Елдос Қылымжанов айтты, деп хабарлайды 7kun.kz.

Ол Алматыда тәртіпсіздіктерге қатысып, телемұнараны басып алмақ болған қылмыскердің анықталғанын айтты.

«Күдікті Алматыда 6 қаңтарда «Көк төбе» телемұнарасының ғимаратын басып алмақ болған. Олардың негізгі мақсаты – азаматтарды көшеге шығуға үгіттеу үшін теледидар мен радионың жұмысын пайдалану болған. Олардың ойлары іске аспады. Қазір күдікті қамауда», – деді Қылымжанов.

Айта кетейік, қаңтардағы тәртіпсіздіктер кезінде қылмыскерлер телеэфирді ұйымдастыру мақсатында "Көк Төбе" телемұнарасын басып алуды жоспарлап, бейбіт азаматтарды бірлесіп қылмыс жасауға көндіріп, олардың өміріне қастандық жасаған. Қылмыскерлер 30 жастағы ер адамға екі рет оқ атқан, нәтижесінде жәбірленуші қолынан және іш жағынан жарақат алды.