Алматы. 3 мамыр. 7kun.kz  – ҚР ІІМ Тергеу басқармасының бастығы Санжар Әділов Орталық коммуникациялар қызметінде өткен брифингте соңғы бір аптада 12 күдікті қамаудан босатылғанын, оларға қоғамнан оқшаулаумен байланысты емес профилактикалық іс-шаралар жүргізілгенін айтты, деп хабарлайды 7kun.kz.

Осы негіздер бойынша барлығы 333 күдікті қамаудан босатылды. Олардың көпшілігі үйқамаққа 96 адам, кепілге 78, елге шығуға тыйым салу 67 және жеке кепілмен 11 адам босатылды.

«Сондай-ақ, 81 айыпталушы да сот үкімімен қамаудан босатылды. Айта кету керек, оң сипаттамалармен қатар қамаудан босату үшін негіздердің бірі залалды өтеу болуы мүмкін, бұл да тергеу және сот талқылауы кезінде ескеріледі. Осылайша, Алматы тұрғыны тәртіпсіздік кезінде Magnum супермаркетінен азық-түлік ұрлап кеткен. Сот қаулысымен күдікті қамауға алынды. Тергеу барысында күдікті келтірілген материалдық шығынды толығымен өтеген. Сот үкімімен ол кінәлі деп танылды, бірақ жәбірленуші тараптың талаптары жоқтығын ескере отырып, сотталушы босатылды, оған 2 жыл бас бостандығын шектеу жазасы тағайындалды», – дейд Санжар Әділов.

Ол тағы бір мысал келтірді. Алматы облысының үш тұрғыны тәртіпсіздік барысында Талдықорғандағы "Технодом" сауда үйінен 950 мың теңгеден астам сомаға тұрмыстық техниканы ұрлап кеткен. Оларға сот қамауда ұстау түріндегі бұлтартпау шарасына санкция берді.

«Бір күдіктінің асырауында екі баласы бар, ал екінші күдіктінің анасы бар екенін, сондай-ақ олар келтірген залалдың толық өтелуін ескере отырып, сотқа дейінгі тергеп-тексеру сатысында бұлтартпау шарасы үйқамаққа өзгертілді. Сонымен қатар сот жеке ерекшеліктерін, істеген ісіне толық өкінуін және келтірілген залалды өтеуді ескере отырып, оларға тиісінше 3 жылға бас бостандығын шектеу жазасын тағайындады», – деді ол.