Өзбекстан. 3 шілде. 7kun.kz – Өзбекстан президенті жалдамалы күштер елдегі жағдайды тұрақсыздандыруға тырысып жатқанын айтты, деп хабарлайды 7kun.kz.

«Демократиялық қағидаттар мен құқықтық нормалар негізінде азаматтардың пікірі мен ерік-жігерін еркін білдіру үшін жасалған жағдайларға қарамастан, кейбір жалдамалы күштер Конституциялық реформаларға наразылық білдіру сылтауымен агрессия мен зорлық-зомбылық жолын таңдап, Өзбекстандағы жағдайды тұрақсыздандыруға тырысуда.

Жалған ақпарат таратудың тексерілген технологияларын және әлеуметтік желілердің мүмкіндіктерін пайдалана отырып, деструктивті күштер нақты мақсатты көздейді және азаматтарды конституцияға қарсы қызметке тартады. Олардың басты мақсаты – қоғамға іріткі салу, мемлекеттің сындарлы саясатына деген сенімге нұқсан келтіру, Өзбекстанның аумақтық тұтастығына нұқсан келтіру», — деп мәлімдеді Мирзиеев Нөкісте.

Сонымен қатар тәуелсіздік күніне арналған салтанатты жиында Беларусь президенті Александр Лукашенко да Қарақалпақстандағы жағдай туралы айта отырып, өзінің болжамын еске салды: «Қазақстаннан кейін келесі Өзбекстан болатындығын айттым», – деді Лукашенко.

«Бүгінде біздің посткеңестік кеңістік үшін ғана емес, еуропалық бөлік үшін де күрес жүріп жатыр. Бүгін кеңес республикалары орналасқан Орта Азия үшін күрес басталды. Естеріңізде болса, Қазақстаннан кейін мен келесі Өзбекстан болатындығын айттым. Біз көптеген фактілерді өзбектерге келтірдік. Саммиттердің бірінде бұл сөзімді айтқанымда олар маған ренжіген де еді. Ал кеше не болды? Қарақалпақстан Республикасы, Конституцияда бір нәрсе көрсетілмеген деді, оларда конституциялық референдум болады. Міне, ол көтерілді. Өзбекстан жүктей бастады. Ал бүгінде олар бұған шетелдіктердің қатысы бар деп жариялап жатыр», – деді Беларусь президенті.