Нұр-Сұлтан. 19 мамыр. 7kun.kz – Қаржы министрлігі 2022 жылдың соңына дейін 165 млрд теңгенің кедендік залалын ел бюджетіне қайтаруды жоспарлап отыр, деп хабарлайды 7kun.kz.

2022 жылдың мамыр айында Мемлекеттік кірістер комитетінің қызметкерлері Қазақстанның Қытаймен шекарасындағы кедендік заң бұзушылықтарды анықтады. Үш жыл ішінде бюджетке келген шығын көлемі 165 млрд теңгені құрағаны анықталды. Қазақстанның қаржы министрі Ерұлан Жамаубаев 2022 жылдың соңына дейін бұл ақша бюджетке салық түрінде қайтарылатынына уәде берді.

"Қазір кедендік салықтар динамикасы жақсы, өсіп келеді. Осы жылы Қаржы министрлігі бюджетке 165 млрд теңге көлемінде залалды өтеу үшін барлық күш-жігерін салады. Біздің биылғы міндетіміз – жоспар бойынша қаражатты толығымен толтыру», деді Жамаубаев.

Қаржы министрі кедендік заң бұзушылықтарды тергеумен Бас прокуратураның арнайы комиссиясы айналысатынын айтты.