Алматы. 22 қараша. 7kun.kz – 2018 жылғы қаңтар-қыркүйекте Қазақстаннан бидай мен меслин экспорты 4,2 млн тоннаны құрады. Бұл көлем 2017 жылдың сәйкес көрсеткішімен салыстырғанда 58,3%-ға өсті.

Жеткізілген бидайдың жалпы құны 664,8 млн АҚШ долларын құрады, тауарлардың экспорты бойынша түсім 56,5%-ға өсті.

Астықтың ең үлкен көлемі Өзбекстанға 88,5 млн долларға 1,5 млн тонна бидай жөнелтілді. Тәжікстан - 101,27 млн долларға 677,4 мың тонна, Қытай - 71,7 млн долларға 415,9 мың тонна, Италия - 58,6 млн долларға 285,3 мың тонна, Түркия - 54,3 млн долларға 260,3 мың тонна, Ауғанстан - 38 млн долларға 227,9 мың тонна астық сатып алды.

Өз кезегінде Әзірбайжан 34,8 млн долларға 201,3 мың тонна, ал Түрікменстан 22,2 млн долларға 144,1 мың тонна бидай сатып алды.

Қазақстан қаңтар-қыркүйек айларында 1,6 млн тонна ұнды 303,5 млн долларға сатқан. Бұл өнімнің негізгі сатып алушылары Ауғанстан (189,2 млн долларға 963,1 мың тонна) және Өзбекстан (83,6 млн долларға 496,3 мың тонна) елдері болды.