Алматы. 3 ақпан. 7kun.kz — Ертеңнен бастап Қазақстан мен Қытай арасындағы тікелей әуе қатынасы тоқтатылады. Бұл туралы Қазақстанның бас санитарлық дәрігері Жандарбек Бекшин хабарлады.

"3 ақпаннан бастап Қазақстан мен Қытай шекарасы жабылды. Бүгін соңғы ұшақтар біздің азаматтарымызды әкелуде. Ертеңнен бастап тікелей әуе қатынасы тоқтатылады", - деді Жандарбек Бекшин.

Оның айтуынша, Қытаймен шекараны тек жүк пен шенеуніктер ғана кесіп өте алады.

Бұған дейін Қазақстан Қытаймен әуе, теміржол және автобус қатынасын тоқтатты. Мемлекет Басшысы Қасым-Жомарт Тоқаевтың тапсырмасы бойынша ҚХР-ға 13,6 тонна көлемінде медициналық бұйымдар түрінде гуманитарлық көмек жеткізілді.

Еске кетейік, коронавирустың өршуі 2019 жылдың желтоқсанында Қытайдың Ухань қаласында басталды. Жұқтырғандар жергілікті теңіз өнімдері базарында жұмыс істеді. Содан кейін ауру жағдайлары ҚХР-ның басқа қалаларында тіркелген.

2 ақпанда Қазақстан коронавирустың алғашқы белгілері табылған және індет ошағы болған Ухань қаласынан 83 адамды эвакуациялады, оның ішінде 80-і студенттер. Сонымен қатар, Қырғызстанның 18 азаматы, Беларусьтың 5 азаматы және 1 Армения тұрғыны қазақстандықтармен бірге ұшып келді.