Алматы. 26 ақпан. 7kun.kz – 2018 жылдың 12 айында Қазақстан мен Ресей арасындағы тауар айналымы 17,6 млрд долларды құрады, бұл өткен жылмен салыстырғанда 9,8%-ке (1,6 млрд доллар) артық. Жалпы, 2018 жылы Қазақстанның тауар айналымы 93,5 миллиард долларға жетті (2017 жылы - 78,1 миллиард доллар). Ресейдің жалпы сыртқы сауда айналымының үлесі 18,8% -ды құрады. Елдің сыртқы сауда айналымының жалпы көлемінде Ресейдің үлесі 18,8%-ті құрады. Бұл туралы finprom.kz сараптама агенттігі жазды.

2018 жылдың 12 айының қорытындысы бойынша ҚР-ның ЕАЭО елдерімен тауар айналымы 19,1 млрд долларға жетті, бұл 2017 жылға қарағанда 1,8 млрд долларға артық. ЕАЭО елдерімен сауда құрылымында Ресей үлесі —91,8% (2017 жылы — 92,1%). Екінші орында — Қырғызстан, үлесі 4,5%, тауар айналымы 0,9 млрд долларды құрады (бір жылда +14,1%). Көшбасшылардың үштігіне Беларусь Республикасы кірді: 3,6%, немесе 0,7 млрд доллар (бір жылда +12,7%).

2018 жылдың қаңтар-желтоқсан айларында Ресейден импорт 12,4 млрд долларды, экспорт - 5,2 млрд долларды құрады. 2017 жылы Ресейден 11,5 млрд долларға тауар импортталды, ал экспорт көлемі 4,5 млрд долларды құрады.

Негізгі импортталатын тауарлар — мұнай және мұнай өнімдері (673,7 млн доллар), қара металдардан жасалған құбырлар (350,1 млн доллар), сондай-ақ жеңіл автокөліктер мен өзге де моторлы көлік құралдары (302,3 млн доллар).

Қазақстаннан Ресейге экспортталатын тауарлардың ең көп бөлігін бейорганикалық химия өнімдері, бағалы металдардың органикалық емес немесе органикалық қосылыстары (646,1 млн доллар), сондай-ақ күйдірілген пиритті қоса алғанда, темір рудалары мен концентраттары (421,5 млн доллар) құрайды.

2018 жылдың 9 айында Ресей Қазақстан экономикасына 1,2 млрд доллар инвестициялады, бұл өткен жылдың осы кезеңімен салыстырғанда 34,9%-ке (0,9 млрд доллар) көп.