Алматы. 21 қараша. 7kun.kz – Қазақстан мен Өзбекстан мемлекеттік шекараны демаркациялау туралы келісімге қол қояды. Бұл туралы брифингте ҚР Сыртқы істер министрлігінің ресми өкілі Айбек Смадияров айтты, деп хабарлайды 7kun.kz.

«Тараптар Қазақстан мен Өзбекстан арасындағы қазақ-өзбек мемлекеттік шекарасын шегендеу туралы шартттың жобасын, аталған шартқа қосымша шекараны демаркациялау туралы қорытынды шарттардың жобаларын қол қоюға дайындады», – деді Айбек Смадияров.

Сондай-ақ тараптар Бірлескен Қазақстан-Өзбекстан демаркациялық комиссиясының жұмысы туралы қорытынды хаттамаға қол қойды.

Келіссөздер достық пен өзара түсіністік сипатында өтті, деп атап өтті Смадияров.