Алматы. 12 сәуір. 7kun.kz – Ұлттық банктің төлем жүйелері арқылы жасалған төлемдердің көлемі ІЖӨ-ден 14 есе асты, - деп хабарлайды бас банктің баспасөз қызметі.

Қазақстанның төлем нарығында 20 төлем жүйесі жұмыс істейді, оның ішінде Ұлттық банк операторы болып табылатын ұлттық төлем жүйелері және ақша аударымдар жүйелері және төлем карточкалары жүйелері жататын жеке төлем жүйелері жұмыс істейді.

2018 жылы Қазақстан Ұлттық банкінің төлем жүйелері арқылы 834,6 трлн теңге сомада 42,9 млн транзакция жүргізілді, ол ішкі жалпы өнімнің көлемінен 14,2 есе асты.

Жалпы алғанда, 2018 жылы Ұлттық Банктің төлем жүйелерінің жұмыс істеп тұру коэффициенті 99,99% болды, ол белгіленген нысаналы көрсеткіштерден асады және төлем жүйелерінің жұмыс істеп тұруының жоғары тиімділігін сипаттайды.