Қазақстанда жылдық инфляция 8,7% деңгейінде қалыптасты. Бұл туралы ҚР Ұлттық Банкінің баспасөз қызметі хабарлады.

ҚР Стратегиялық жоспарлау және реформалар агенттігі Ұлттық статистика бюросының деректері бойынша, 2022 жылдың ақпан айында инфляция 0,8% (2021 жылғы ақпанда – 0,7%) болды.

«Жылдық инфляция 8,7% (2021 жылғы желтоқсанда – 8,4%) деңгейінде қалыптасты. Инфляцияның құрылымында жылдық көрсеткіш бойынша азық-түлік бағасы 10%-ға, азық-түлікке жатпайтын тауарлар – 8,6%-ға, ақылы қызметтер – 7,1%-ға көтерілді», – делінген ҰБ хабарламасында.

2022 жылы ақпанда халық арасында жүргізілген сауланама қорытындысы бойынша, бір жылдан кейін күтілетін инфляцияны сандық бағалау 6,2% болды.