Алматы. 5 желтоқсан. 7kun.kz – Денсаулық сақтау және әлеуметтік қызметтер саласына инвестициялар бір жыл ішінде 18% - ға өсті, деп хабарлайды Finprom.kz.

Денсаулық сақтау саласында негізгі капиталға бөлінген инвестицияның көлемі қаңтар-қазан аралығында 168,9 млрд теңге болды. Бұл алдыңғы жылдан кезеңнен 18,1% артық.

«Өңірлер арасында денсаулық сақтау мен әлеуметтік қызметтерге бөлінген инвестицияның ең үлкен бөлігі Астананың үлесіне тиді – 51,1 млрд теңге. Сондай-ақ Жамбыл (15,6 млрд теңге) және Шығыс Қазақстан (15,3 млрд теңге) областарына жұмсалған ақшаның көлемі айтарлықтай жоғары. Аталған салаларға ең аз қаражат бөлінген өңірлер Атырау (447,6 млн теңге) және Ұлытау (496,6 млн теңге) облыстары болды»,  – делінген сараптамада.

Денсаулық сақтау және әлеуметтік қызмет көрсету саласына инвестицияның ең көп көлемі жергілікті бюджеттер есебінен, сондай-ақ кәсіпорындардың жеке қаражаты есебінен: тиісінше 53,7 млрд және 53,4 млрд теңгені құрады. республикалық бюджеттен 35,1 млрд теңге бөлінді.

Аталған салалардағы номиналды еңбекақы көлемі биыл 245,2 мың теңгені құрады. Бұл орташа республикалық айлықтан 18,2% аз (299,8 мың теңге).

Өңірлер арасында денсаулық сақтау және әлеуметтік қызметтер саласы мамандарының ең жоғары номиналды айлығы Астанада тіркелген, 313,7 мың теңге. Бұл саладағы орташа республикалық айлық мөлшерінен 27,9% жоғары. Ең төменгі айлық Шымкентте, 212,7 мың теңге.