Алматы. 20 мамыр. 7kun.kz — Қазақстанның басқа елдер мен арбитраждарда мүдделерін заңды қорғау жыл сайын 17,6 млрд теңге талап етеді. Мұндай есептеулер Әділет министрлігінде 2020-2022 жылдарға арналған бюджеттік бағдарлама жобасында ұсынылды.

Бюджеттік бағдарлама «Арбитраждарда, шетелдік арбитраждарда, шетелдік мемлекеттік және сот органдарында, сондай-ақ дауларды төрелік және сотқа дейін реттеуге дейінгі процесте мемлекеттің мүдделерін қорғау және білдіру, Қазақстан Республикасы Үкіметінің қатысуымен шетелде өткізілетін сот немесе төрелік талқылаулардың перспективаларын бағалау» деп аталады.

«Бұл шығыстар талқылаулар перспективаларын бағалау, төрелікте, шетелдік арбитраждарда, шетелдік мемлекеттік және сот органдарында, сондай – ақ дауларды төрелік (сот) реттеуге дейінгі процесте мемлекеттің не тапсырыс берушілердің мүдделерін қорғау және білдіру жөніндегі консультациялық және заң қызметтерін сатып алуға бағытталған», - делінген жобаның сипаттамасында.

Осы мақсатта Әділет министрлігі 2020-2022 жылдары жыл сайын 17,6 млрд теңге көлемінде қаржы қарастыруда.

Бұл ретте үш жылда жұмыс жүргізілетін осындай талқылаулардың саны 22 болды.