Алматы. 6 тамыз. 7kun.kz – Қазақстан шетелге бидай сату көлемін арттырып, бұл көрсеткіш 2018 жылдың қаңтар-мамырында 1,5 есеге өскен. 2018 жылғы қаңтар-мамырында Қазақстан шетелге 2,5 млн тонна бидай экспорттаған. Бұл жөнінде статистика және мемлекеттік кірістер комитетіндегі мәліметтер дәлел болып отыр.

Ал, өткен жылдың сәйкес кезеңінде қазақстандық бидай басқа елдерге 1,6 млн тонна көлемінде жөнелтілген болатын.

Осылайша, қазақстандық бидай экспорты есепті кезеңдерде 1,5 есеге ұлғайған.

Сонымен қатар, бұған дейін хабарлағандай, 2018 жылдың 1-тоқсанының қорытындысы бойынша Қазақстандағы бидай экспорты 2017 жылдың ұқсас кезеңімен салыстырғанда 82% артқан.