Қазақстан. 3 мамыр. 7kun.kz  – Қазақстан бітімгерлік әскери бригадасын Донбасқа жөнелту мәселесін қарастырмайды, деп хабарлайды 7kun.kz.

Бұл туралы арнайы брифингте Қорғаныс министрінің орынбасары Сұлтан Камалетдинов мәлімдеді.

«Қазіргі уақытта бұл мәселе мүлде қарастырылмайды. Аталған мәселе бойынша келіссөздер де жүргізіліп жатқан жоқ», деді Камалетдинов.

Сонымен қатар, министр орынбасарының айтуынша, қазақстандық бітімгерлік күштерді республикадан тыс жерлер жөнелту реті белгіленген. Құжатқа қол қойылғанын және нормативтік тұрғыдан бекітілген. Оларды тек БҰҰ қарары бойынша ғана өзге елге жіберуге болатынын еске салды вице-министр.