Алматы. 20 қараша. 7kun.kz — Қазақстанның ЕАЭО елдерімен тауар айналымының өсу қарқыны біршама төмендеді және 5,5%-ды құрады, 2019 жылғы қаңтар-қыркүйекте 14,8 млрд долларға жетті. 2018 жылдың ұқсас кезеңінде жылдық өсім 13%-ды құрады. Мұндай мәліметтерді finprom.kz ұсынды.

ЕАЭО елдерімен сыртқы саудадағы тауар айналымының үлесі бір жыл ішінде 20,5%-дан 21%-ға дейін өсті. Жалпы алғанда, ақшалай түрдегі сыртқы сауда көлемі бір жыл ішінде 3,2%-ға, 2019 жылдың қаңтар-қыркүйек айларында 70,4 млрд долларға дейін өсті.

ҚР-ның экспорты импорттан ақшалай мәнде бір жарым есе артық болды: тиісінше, 42,7 млрд доллар (-3,9%) және 27,6 млрд доллар (+16,5%).

Бұл ретте ЕАЭО елдерімен өзара сауда-саттықта Қазақстан негізінен импорттаушы ел болып саналады: ЕАЭО-қа экспорт импорттан қарағанда 2,3 есе аз. Қазақстанның ЕАЭО елдерінен импорты бір жыл ішінде 7,1%-ға өсіп, бірден 10,3 млрд долларды құрады. Ал экспорт 2%-ға, 4,4 млрд долларға дейін өсті.

Сонымен қатар ҚР-дағы импорт көлеміндегі ЕАЭО үлесі 40,6%-дан 37,3%-ға дейін қысқарды, ал экспорт көлеміндегі ЕАЭО елдерінің үлесі, керісінше, 9,8%-дан 10,4%-ға дейін ұлғайды.

Қазақстанның ЕАЭО елдерімен тауар айналымының 92%-дан астамы Ресейге тиесілі: 13,6 млрд АҚШ долларын құрады, бір жыл ішінде 6%-ға өсті. Ресейден импорт 9,7 млрд АҚШ долларын (+7,3%), экспорт - 4 млрд АҚШ долларын (+ 3,1%) құрады.

Беларусьпен тауар айналымы 5,6%-ға, 526,2 млн долларға дейін өсті. Экспорт 11,1%-ға, 68 млн долларға дейін, импорт - 4,8%-ға, 458,2 млн долларға дейін ұлғайды.

Сонымен қатар, Армениямен тауар айналымы 2,8%-ға, 9,5 млн долларға дейін өсті. ҚР экспорты 9%-ға, 5,3 млн долларға дейін артып, импорт, керісінше, 4%-ға, 4,2 млн долларға дейін қысқарды.

Тауар айналымы азайған жалғыз ел — Қырғызстан: 5,5%-ға, 591,2 млн долларға дейін қысқарды. Қысқару ҚР экспортының 9,2%-ға, 410,5 млн долларға дейін төмендеуімен байланысты. Сонымен бірге, Қазақстанға Қырғызстаннан импорт 4,2%--ға артып, 180,6 млн долларды құрады.