Алматы. 20 сәуір. 7kun.kz - Наурызда Қазақстандағы инфляция 2016 жылғы қыркүйектен бастап ең жоғары мәнге жетті. Азық-түлік тауарлары инфляцияға ең көп үлес қосып, бағадағы өсімі 15,4%-ға дейін жетті. Бұл туралы ҚРҰБ Төрағасының орынбасары Виталий Тутушкин ҚР Парламенті Мәжілісінің пленарлық отырысында айтты, деп хабарлайды 7kun.kz.

«Наурызда біз әлеуметтік маңызы бар азық-түлік тауарларының бірден қымбаттап кеткенін байқадық, бұл оларды Ресейден әкетуге тыйым салу аясында бірқатар азық-түлік тауарларының дефицитіне байланысты орын алды. Соның әсерінен наурыздың екінші аптасында азық-түлік тауарларының бағасы 5,6%-ға өсті. Осыдан кейін әлеуметтік маңызы бар азық-түлік тауарлары бағасының апта ішіндегі өсімі наурыздың соңғы аптасында 1,3%, сәуірдің бірінші және екінші аптасында қатарынан 0,9% болып, біртіндеп тұрақтана бастады», - деді Тутушкин.

Наурызда азық-түлікке жатпайтын инфляция 10,9% болды.

Ақылы қызмет көрсету бағасы 7,1%-дан 8,3%-ға дейін жеделдеді, бұл тұрғын үйді жөндеу және жалға беру, қонақүйлер мен мейрамханалардың қызметтері сияқты бірқатар нарықтық қызметтер бағасының өсуіне байланысты орын алды. Реттелетін коммуналдық қызметтердің тарифтері жартыжылдық мораторий салдарынан өзгеріссіз қалды.

Айта кетейік, наурызда инфляция 7,5%, Еуроаймақ пен АҚШ-та 8,5%-ды құрады. Ал, Ресейде 16,7%-ға жетті.

Виталий Тутушкиннің айтуынша әлемдегі жағдайларды ескере отырып, Қазақстанның инфляция болжамы өсу жағына қарай қайта қаралуда.