Алматы. 21 ақпан. 7kun.kz – Kostanay Airport халықаралық әуежайы сатылымға қойылды. Бұл туралы әуежайдың ресми сайтында хабарланды.

Қазір әуежай Қостанай облысы әкімдігінің меншігінде тіркелген. Әуежайдан жылына 1700 рейс жасалады. Рейстерді 200 мыңнан аса адам пайдаланады.

Қостанайда алғашқы әуежай 1937 жылы салынды.

Ал қазіргі әуежай алғашқы кезде көлік авиация полкіне қызмет етті. Одан кейін 2018-2019 жылдары қайта жөндеу жұмысы жасалып, ұшақтың ұшу-қону жолағының ұзындығы 300 метрден 2 814 метрге дейін ұзарып, ені 60 метрге дейін кеңейіп, жолаушыларға қызмет ете бастады.