Қызылорда. 28 сәуір. 7kun.kz – Қызылорда қаласына жаңа әкім болып Асылбек Шәменов тағайындалды, деп хабарлайды 7kun.kz.

Асылбек Шәменов 1978 жылы Жалағаш ауданында дүниеге келген. Абай атындағы Алматы мемлекеттік университетін «Халықаралық туризм», Қорқыт Ата атындағы Қызылорда мемлекеттік университетін «Мұнай-газ кен орындарын игеру» және «Құрылыс» мамандықтары бойынша бітірген.

Ол бұған дейін қала әкімі қызметін атқарған Ғанибек Қазантаевтың орнына тағайындалды.

Еңбек жолын 1999 жылы «Қызылорда интеграция» компаниясының менеджері болып бастаған.

2007-2012 жылдары облыстық мемлекеттік сәулет-құрылыс бақылау және энергетика және тұрғын үй-коммуналдық шаруашылық басқармаларында жауапты қызметтер атқарған.

2012-2018 жылдары Қызылорда облысының энергетика және тұрғын үй-коммуналдық шаруашылық басқармасы басшысының орынбасары, Қызылорда қаласы әкімінің орынбасары, 2018 жылдың мамыр айынан бастап осы кезге дейін Қызылорда облысының жұмылдыру дайындығы басқармасының басшысы лауазымын атқарып келді. 2020 жылдың наурыз айынан Жалағаш ауданы әкімі қызметінде болды.