Алматы. 10 сәуір. 7kun.kz - «Рахат» кондитерлік фабрикасы 2017 жылғы қызметінің қорытындысы бойынша акционерлерге дивиденд төлеуге ниетті, деп хабарлайды LS.

Қазақстан қор биржасында жарияланған құжатта төлемдердің 2018 жылдың 14 мамырында басталатынын айтады. 2017 жылғы дивиденд бір акция үшін 368 теңгені құрайды. Ал, 2016 жылғы қызметінің қорытындысы бойынша төлемдер сомасы 137 теңгені құраған.

Ұсынылан хатқа сәйкес, дивиденд алуға құқығы бар акционерлердің тізімі 2018 жылдың 16 сәуірінде жасалады.