Қазақстанның қаржы нарықтары 24 қыркүйек күні Құрбан айттың алғашқы күні жұмыс істемейді. Бұл жөнінде KASE сайтында хабарланды.  «Қазақстан қор биржасы 2015 жылдың 24 қыркүйегінде демалыс күніне орай (Құрбан айттың алғашқы күні) жұмыс істемейді. KASE саудалары ол күні жүргізілмейтінін хабарлаймыз», ― делінген хабарламада. Естеріңізге сала кетсек, Қазақстан еңбек кодексінің 96-бабына сәйкес, Құрбан айттың алғашқы күні ғана демалыс саналады. 96-баптың 4-тармағында мұсылман күнтізбесі бойынша тойланатын Құрбан айттың алғашқы күні мен православтардың мерекесі 7 қаңтар демалыс күндері деп көрсетілген.