Binance криптовалюта биржасының бас директоры Чанпэн Чжао Twitter-де Ресейдің жақын уақытта криптовалюталық төлемдерге заңнамалық деңгейде рұқсат беретіні туралы хабарлама жариялады, деп хабарлайды 7kun.kz.

«Ресей криптовалюталық төлемдерді заңдастырады. Міне тосынсый», – деді Чанпэн Чжао хабарламасында.

Бастапқы хабарламадан кейін Чанпэн Чжао Twitter-де тағы екі хабарлама жариялады. Олардың бірінде ол AMC киногиганты енді криптовалютамен билеттерін саудалауға мүмкіндік беретінін айтты. Екінші хабарламада ол бүгінгі таңда криптовалютаны жоққа шығаруға болмайтынын жазды.

Айта кетейік, қазір 1 Bitcoin 39 000 доллар көлемінде саудалануда.