Алматы. 19 желтоқсан. 7kun.kz – Ресей президенті Владимир Путин валюта бағамы туралы ақпаратқа арналған көше таблосына тыйым салатын заңға қол қойды.

«Валюталық реттеу және валюталық бақылау туралы» заңға енгізілген түзетулер қаржы ұйымдары валюта бағамдары туралы ақпаратты қалай орналастыра алатынын шешуге мүмкіндік береді. 2018 жылдың басында Орталық банк банктерге көшелерде шетел валюталары бар табло мен басқа да тасымалдаушыларды орнатуға тыйым салуды ұсынды. Түсіндіруінше шаралар заңсыз айырбастау пункттерімен күресуге бағытталған.

«Тәжірибе көрсетіп отырғандай, шетел валюталарын айырбастау бағамы туралы ақпаратты үй-жайлардан тыс жерлерде көбінесе заңсыз «валюта айырбастау нүктелері» орналастырады. Ал банктерде ондай жоқ. Банктердің өздері, әдетте, мұндай ақпаратты ғимарат ішіне орналастырады», - дейді РФ Орталық банкінің баспасөз қызметі.

Реттеуші валюта бағамы туралы ақпаратты банктердің мен филиалдарының ішінде ғана, терезелер мен витриналарда орналастыруға болатын нұсқау жобасын дайындады. Тыйым айырбастауға болатын валюта түрлері туралы ақпаратқа қолданылмайды. Нұсқаулық Орталық Банктің ресми сайтында жарияланғаннан кейін 30 күн өткен соң күшіне енеді екен.