Алматы. 11 қыркүйек. 7kun.kz – Ресейлік бизнесмен Максим Воробьев (Ресейдің Мәскеу облысы губернаторының ағасы) және оның Amereus Group инвестициялық қоры KAZ Minerals қазақстандық металлургия компаниясының 3,00674% акциясын иеленді.

Kaz Minerals-дағы Воробьевтің үлесі 1,62043%-ды, Amereus Group-та (100% бизнесменге тиесілі) 1,38631%-ды құрайды. Воробьев пен оның инвестициялық қоры акцияларды ашық нарықта сатып алды, компанияның мажоритарлық акционерлерінің үлесі өзгерген жоқ.

Максим Воробьев - қызыл балық өсіруге мамандандырылған "Русская аквакультура" компаниясының ірі акционері және директорлар кеңесінің мүшесі.

Тамыз айында Воробьевтің бақылауындағы инвестициялық топ "Ультрамар" және "Ультрамар Терминал" компанияларынның иесі Андрей Бонч-Бруевичтен 40% акцияны сатып алатыны белгілі болды. "Ультрамардың" негізгі акционері Бонч-Бруевич болып табылады.