Қазақстан теңге нығаюын тоқтата беретін болса, шетелдік инвесторларды тарта алмайды. Landesbank Berlin Investment GmbH агенттігі осындай болжам жасады деп хабарлайды Bloomberg. Агенттік мәліметінше, осы жылы реттеуіш күнделікті аукциондағы облигациялар ұсынысын 3 есе ұлғайтқан. Бірақ сәуір айында жетікүндік қарыз қағаздарының табысы 19%-ға дейін көбейтті. Бұл әрекеттер жергілікті және шетелдік инвесторларды тарту үшін қажет екендігімен түсіндірілді. Осы шара банктерге теңгедегі депозит бойынша жоғары пайыздарды (14%) төлеуге мүмкіндік беруі тиіс. Осыған дейін Ұлттық банк базалық мөлшерлемені 17% деңгейінде белгілеген еді. "Реттеуіш долларды жаппай сатып алып, теңгенің ресейлік рубль және өзге де мұнайлы валюталар тәрізді нығаюына кедергі болып отыр. Өткен қаңтардан бері қара алтын шамамен 70%-ға, рубль соңғы 3 айда 18%-ға қымбаттағанымен, теңге бар болғаны 11,5%-ға өсті. Бұл шетелдік инвесторлар үшін әлсіз валюта", -деп есептейді Landesbank Berlin сарапшы Лутц Рехмейер.  Оның сөзінше, Ұлттық банктың қатысуынсыз теңге әлі 10%-ға нығаюы мүмкін еді.  Еске салайық, осыған дейін Қазақстанның Ұлттық банкі теңгенің "күрт өсіп кетуінің" алдын-алуын үшін 1,24 млрд доллар сатып алған.