АҚШ-тың бағалы қағаздар және биржа жөніндегі комиссиясы (SEC) «үлкен төрттіктің» аудиторлық компанияларының қытайлық филиалдарына айыппұл салды, деп хабарлайды MarketWatch.

Deloitte, PricewaterhouseCoopers, KPMG және  Ernst & Young бөлімшілерінің әрқайсысына 2012 жылға дейін SEC-ке бағалы қағаздары АҚШ-та тіркелген тоғыз қытайлық компанияда жүргізілген тексеру туралы құжаттарды көрсетуден бас тартқаны үшін 500 мың доллардан айыппұл салынды. Аталған фирмалар алаяқтық істерге қатысы бар деп күдікке ілінді.

SEC-пен арадағы мәміле шартында аудиторлық компаниялар құжаттарды комиссияға тек белгілі бір мерзімге ғана бергенін мойындаған. Оған қоса, алдағы уақытта қандай да бір құжаттық тәртіп бұзушылық байқалатын болса, компанияға қолданылатын шаралар күшейтіледі.