АЛМАТЫ. 16 мамыр. 7kun.kz - Қытай Халық Республикасының Төрағасы Си Цзиньпин «Бір белдеу, бір жол» атты халықаралық ынтымақтастық форумында Қазақстанды трансқұрлықтық транзиттік тасымалдаудың «чемпионы» деп атады. Бұл туралы akorda.kz хабарлады.

Форумға ҚР Президенті Нұрсұлтан Назарбаев қатысып, сөз сөйледі. Ол Қазақстанның құрлық елдері арасындағы тату көршілік қатынастарды нығайтуды белсенді түрде жақтайтынын және Қытайдың трансөңірлік кооперацияны дамыту жөніндегі талпынысын қолдайтынын атап өтті. Сондай-ақ  «Нұрлы жол» және «Жібек жолы экономикалық белдеуі» бағдарламаларын ұштастыру жоспары аясында Қазақстан мен Қытайдың индустрияландыру саласындағы ынтымақтастығын үйлестіру ісі басталып кеткенін айтты. Қытай Халық Республикасының Төрағасы Си Цзиньпин Нұрсұлтан Назарбаевтың сөйлеген сөзін жоғары бағалап, Қазақстанды трансқұрлықтық транзиттік тасымалдаудың «чемпионы» деп атады.