Алматы. 13 қараша. 7kun.kz — Елімізде сиыр еті бағасының өсуі жеделдейді. Баға мөлшері өсе отырып, еліміздегі ең арзан және ең қымбат сиыр еті қай қалаларда екені анықталды деп мәлімдеді ranking.kz.

2017 жылдың қазан айының аяғында сиырдың бір килограмына бөлшек сауда бағасы 1426,3 теңгені құрады, бір жыл ішінде өсім 15,6 пайыз (192,7 теңге), бір айға 0,7 пайыз (9,4 теңге). Сиыр етінің бағасының жыл сайынғы өсімі өткен жылдың қазан айының соңында 6,3 пайыз (73,4 теңге), килограмм үшін 1233,7 теңгеге дейін өсті.

ҚР қалаларының арасында сиыр етінің ең төмен бағасы Таразда. Бір килограмм үшін 1297 теңге. Ай сайынғы өсім 1,8 пайыз (23 теңге), бір жыл ішінде 6,7 пайыз (81 теңге) болды. Бұдан кейін Петропавл қаласы - бір килограмм үшін 1303 теңге, ай ішінде баға 4,3 пайыз (54 теңге), жыл ішінде 12,9 пайыз (149 теңге) өсті. Үшінші орында Талдықорған - бір килограмға 1317 теңге.

Бір айда сиыр етінің бағасы өзгерген жоқ, бір жыл ішінде өсім 9,5 пайыз (114 теңге) болды. Сиыр етіне ең жоғары баға Астанада. Бір килограмға 1661 теңге, Атырауда - 1530 теңге/кг, Алматыда - 1525 теңге/кг. Сиыр еті бағасының өсуімен, оның тұтынуы төмендейді. 2017 жылдың екінші тоқсанында сиыр етінің орташа жан басына шаққандағы тұтыну мөлшері қалалық жерлерде 6,4 кг, ал ауылда 4,8 кг, бұл өткен жылдың екінші тоқсанымен салыстырғанда  4,3 және 2,2 пайызға аз.

Диана Құрманбекова