Алматы. 26 ақпан. 7kun.kz — PR Auction аукционы Apple компаниясының негізін қалаушы Стив Джобстың түйіндемесін келесі айда сатады, деп мәлімдеді rb.ru сайты.

Джобс бұл түйіндемені 1973 жылы жазған. Сол уақытта ол 17-18 жаста болған. Бұл түйіндемені жазып, қайда жұмысқа орналасқысы келгені белгісіз. Құжат жақсы күйде сақталмаса да, аукцион оны кемінде 50 мың долларға сата аламыз деп есептейді.

Түйіндеме бір беттен ғана тұрады. Ерекше қасиеттері бөлімінде ол электроникада (компьютер мен калькуляторда жұмыс істей алады) қабілетті екендігін жазған. Бір қызығы, кезінде түйіндемеде телефоным жоқ деп көрсеткен адамның iPhone тарихында ерекше орын алғаны қызық.

Стив Джобстың түйіндемесі сатылатын аукцион 8-15 наурызда өтеді.

Қаня Табыс