"Талдықорған жылусервис" мемлекеттік коммуналдық кәсіпорны экологиялық заңнаманы бұзғаны үшін 7,6 млн теңге айыппұл төлейтін болды деп хабарлайды Алматы облысының прокуратурасы.

Аталған мекеме қызметін тексеру барысында кәсіпорынның өз жұмысын қоршаған орта эмиссиясы бойынша рұқсатсыз жүргізгені, қажетті рұқсат құжаттардың мерзімі өткен жылдың аяғында бітіп кеткені анықталған.

"Экологиялық заңнаманы бұзғаны үшін жауапты заңды тұлға әкімшілік жауапкершілікке тартылып, 7 641 678 теңге көлеміндегі айыппұл төледі", - деп көрсетілген хабарламада.