Алматы. 13 ақпан. 7kun.kz - Көтерме сауда, өңдеуші өнеркәсіп және ауыл шаруашылығы ең көп кредит алатын салалар қатарында. Тау-кен өндірісі мен көлік инфрақұрылымы және құрылыс кредиттік капитал аз келіп жатқан бағыт болды. Бұл туралы finprom.kz жазды.
2016 жылдың қорытындысы бойынша, кредиттік капиталдың ең үлкен миграциясы тау-кен өндірісі саласында байқалған. Аталған саланың портфелі төрт есе – 112,5 млрд теңгеге қысқарды.
Көлік инфрақұрылымына берілетін кредиттің көлемі де өз кезегінде 8 пайызға азайды. Өндірістік емес саладағы кредит 51.2 млрд теңгеге (1 пайызға) азайды. Ипотека алу деңгейі толықтай тоқтап қалды, ал тұтынушылық кредитке деген сұраныс бөліп төлеу онлайн-бағдарламаларының есебінен азайды.
Өндіруші өнеркәсіп кредиттік ресурсты тартудың негізгі көзі болды. Бір жылда аталған саланың портфелі 22 пайызға – 228 млрд теңгеге артты. Банктер басымдыққа ие секторларда кәсіпкерлікті дамыту мен индустрализация жөніндегі мемлекеттік бағдарламалардың белсенді делдалы ретінде танылды.
Сондай-ақ, сауда екінші деңгейлі банктерді (ЕДБ) әлі де қызықтырып отырған сала ретінде танылды. 2016 жылдың қорытындысы бойынша, банктер берген кредиттің 22 пайызы аталған бағытқа берілген. Бұл 2015 жылмен салыстырғанда 5,1 пайыз.
Похожие материалы
