Алматы. 4 қазан. 7kun.kz - Әлемдегі көптеген технологиялық жобалардың ірі инвесторы болып табылатын Tayota мен SoftBank өзі басқарылатын көлік құралдарын дамытуды қолға алды. Компаниялар MONET деп аталатын жаңа бірлескен кәсіпорын құрды. Кәсіпорынның алғашқы капиталы 2 млрд иен ($17,5 млн) болады. SoftBank акцияның 50,25% иемденеді, қалған акцияToyota компаниясына тиесілі. Компанияның айтуына сенсек, MONET өзі басқарылатын автомобильдерді жасап шығарып қана қоймай рейдшерингті дамытумен де айналысады. Рейдшеринг – автокөлікпен жол жүру ақысын бірлесіп төлеу жүйесі.