Нұр-Сұлтан. 17 тамыз. 7kun.kz – Мемлекет басшысы Қасым-Жомарт Тоқаев Армения премьер-министріне көңіл айту жеделхатын жолдады, деп хабарлайды 7kun.kz.

Қазақстан президенті Қасым-Жомарт Тоқаев Армения Премьер-министрі Никол Пашинянға және барша армян халқына Еревандағы «Сурмалу» сауда орталығында болған жарылыстан көптеген адамның қаза болуына байланысты жеделхат жолдады.

Жеделхатта Мемлекет басшысы қаза тапқан және зардап шеккен азаматтардың туған-туыстары мен жақындарына көңіл айтты.