Ашхабад. 29 маусым. 7kun.kz – ҚР президенті Қасым-Жомарт Тоқаев Каспий маңы мемлекеттері басшыларының алтыншы саммитіне қатысу үшін Ашхабад қаласына жұмыс сапарымен барды. Бұл туралы Ақорда хабарлады.

Бүгін Мемлекет басшысы Қасым-Жомарт Тоқаев Түрікменстан Президенті Сердар Бердімұхамедовпен және Түрікменстанның бұрынғы Президенті, Халық Мәслихаты Ұлттық кеңесінің төрағасы Гурбангулы Бердімұхамедовпен кездеседі.

Айта кетейік, Ашхабадта Қазақстан, Әзербайжан, Иран, Ресей және Түрікменстан президенттерінің қатысуымен VI Каспий саммиті өтуде.