Украина президенті Петр Порошенко Украинаға көрсетілетін халықаралық қаржылай көмектің жалпы соммасы $40 млрд болатындығын мәлімдеді.

"Дүниежүзілік банктің, халықаралық қаржы институттарының, АҚШ, ЕО, Канада, Австралия, Жапония, Швейцария, Түркия көмегін ескергенде, ХВҚ қаражатын қоса алғандағы жалпы сомма 40 млрд долларды қамтиды", - деді П.Порошенко Киевте Түркия президенті Реджеп Тайып Ердоғанмен болған келіссөздер қорытындысында.

Ол жақында ғана ХВҚ Украинаға $17,5 млрд көлеміндегі қаржылай көмек көрсетудің жаңа бағдарламасын бекіткендігін айта кетті .

"Біз реформалардың бірінші кезеңін өткіздік, заңнамаға қатысты шешімерді қабылдадық, олар ХВҚ-мен арадағы меморандумның имплементациясын қамтамасыз етеді. Айта кеткім келеді, ХВҚ-мен болған күрделі келіссөздер нәтижесінде біз қамтамасыз етудің негізгі позицияларын, атап айтқанда әлеуметтік қорғау, ең кедей халық топтарының әлеуметтік жағдайын нашарлартпау секілді позицияларды ұстап қала алдық", - деді Украина президенті.