2016 жылдың 1 сәуірінен бастап ҚР Ұлттық банкі ай сайын валюта нарығындағы интервенция көлемі туралы ақпаратты жариялап отырады. Бұл туралы «Корпоративтік басқару: Қазақстанның инвестициялық тартымдылығына жаңа көзқарас» ұлттық форумы кезінде Ұлттық банк төрағасы Данияр Ақышев мәлімдеді.
«Ұлттық банк жүргізіліп жатқан операциялар мен ақша-несие саясатының ашықтығын арттыруға бағытталған бірқатар шараны жүзеге асыруды жоспарлауда. 1 сәуірден бастап Ұлттық банк ай сайын валюта нарығындағы интервенция көлемін жариялап тұрады, ақпарат банктің сайтында жарық көреді», - деді ол.
Реттеушінің сөзінше, 1 сәуірден бастап, интервенциямен қоса Ұлттық банктың ресми сайтында күн сайын ақша нарығында жүргізілген операциялар туралы ақпарат жариялап тұрады.
Похожие материалы
