ҚР Энергетика министрі Владимир Школьник Парламент сенатының отырысынан кейін журналистермен кездесу кезінде әлемдік мұнай құны бензин бағасына әсер етпейтінін мәлімдеді.

"Біз мұнай өндіруші зауыттарға қара алтынды экспорт бағасынан 30 пайызға төмен бағамен жеткізіп жатырмыз. Сондықтан әлемдік мұнай бағасы бензин құнына әсер етпейді деп ойлаймын. Мен бұл туралы үнемі айтып келемін. Кейбіреулер жалығып та кетекен шығар", - деді ол. Сондай-ақ ол Қазақстандағы бензин қорының қанша екенін айтты. "Қазіргі уақытта бензин қорын нақты айта алмаймын. Бірақ үкіметпен бекітілген запастағы 200 мың тонна бензин сақтаулы", - деп түйіндеді Владимир Школьник. Фото: today.kz