Астана теңге курсын еркін айналымға жібергеннен кейін сом да құнсызданған еді. Осы аптаның дүйсенбісінде Қазақстандағы ұлттық валюта курсы құлдыраған соң, Қырғызстандағы доллар курсы 70 сомға дейін өсті деп хабарлайды total.kz.

Қырғызстанның Ұлттық банкінің ресми сайтында доллардың ұлттық валютаға қатысты курсы 68,3 сомға тең болды. Реттеуіштің мәліметінше, қаржы мекемесі тамыздың аяғынан бері валюта нарығында болып, сомның құлдырауын жұмсарту үшін 17,6 млн доллар сатқан.

Сарапшылардың болжамынша, 4 қазанға белгіленген парламент сайлауынан кейін сом долларға қатысты бірнеше есе құнсызданады.