Теңгенің долларға шаққандағы бағамы 244 теңге 79 тиынға жетті. KASE фонд биржасының кешкі сауда қорытындысы бойынша, доллар шамамен 2 теңгеге қымбаттады. Алайда таңертеңгі бағамға сәйкес доллар жарты теңгеге арзандаған. Ал Қытай Ұлттық валюта құны мен нарықты қалыпта ұстап тұру үшін халықаралық сақтық қорынан шамамен 94 млрд АҚШ долларын жұмсаса да, юань құнсыздануын тоқтатар емес. Естеріңізге сала кетейік, 11 тамызда ресми Бейжің соңғы 20 жылда болмаған рекордтық девальвацияға жол берген еді. Осы қадамнан кейін Орталық Банк «юаньның» долларға шаққандағы бағамын белгілеген. Алайда бізге келіп түскен соңғы мәліметтер бойынша, юань Қытайдың негізгі қаржы институты бекіткен бағамнан 2%-ға арзандап, доллар шамамен 6 жарым юаньға тең болғандығын көреміз. Дереккөз: khabar.kz