Алматы. 20 желтоқсан. 7kun.kz – Қазақстанда жеңілдетілген автонесие беру алдағы уақытта жалғасын табады. Бұл туралы премьер-министрдің бірінші орынбасары Роман Скляр мәлімдеді, деп хабарлайды 7kun.kz.

Оның айтуынша, бағдарламаның келешегі бұған дейін несие алғандардың қарызын уақтылы төлеп тұрғанына байланысты.

«Бәйтерек» холдингінің маған баяндаған мәліметі бойынша, револьверлік негізде белгілі бір мөлшерде қаржы жинақталу керек. Ол ақша келесі траншпен жеңілдетілген автонесие ретінде басқа азаматтарға берілуге тиіс. Қазір 188 миллирд теңге револьверлік негізде осы жүйе бойынша игеріліп жатыр. Бұл жұмыс жалғасады», – деді Скляр.