Шағын және микробизнесті салықтан босату ірі бизнеске зиянын тигізуі мүмкін

144
корпоративтік
Фото: ptel.cz

Алматы. 16 қазан. 7kun.kz — Мәжіліс депутаты Аманжан Жамалов палатаның жалпы отырысында шағын және микробизнес компанияларын салық төлеуден босату бизнеске де, азаматтарға да қосымша жүктеме болмауы керектігін айтты.

«Мемлекет басшысының тапсырмасы бойынша шағын және микробизнес үш жылға табыс салығын төлеуден босатылады, және, әрине, шағын бизнес бұл тапсырманы қолдайды және олар оны күтуде. Бірақ үкіметке бюджеттің кіріс бөлігін азайту жағына түзету енгізуге тура келеді. Есеп бойынша, бұл 382 млрд теңгені құрайды. Сонымен қатар, «Атамекен» ҰКП кәсіпорындарға Ұлттық экономика министрлігінің қарауына ұсынылатын корпоративтік табыс салығын есептеуді шегеруді шектеу бойынша ұсыныстарды жіберді. Бұл, ең алдымен, ірі өндірістерге және бірінші кезекте жер қойнауын пайдаланушыларға қатысты. Ұлттық экономика министрлігінің пікірінше, салық төлеушілер өздерінің шетелдік үлестес компанияларынан дивиденттер бойынша шегерімдер мен қызметтерді сатып алу есебінен салық жүктемесін төмендетіп отырады», – деді Жамалов.

Сонымен бірге ол Ұлттық экономика министрлігінің деректерін келтірді, оған сәйкес 2018 жылы жер қойнауын пайдаланушылар жылдық жиынтық кірісті 1,5 трлн теңгеге түзеткен. Осыған байланысты оларға 232 млрд теңге сомасына корпоративтік табыс салығын салу ұсынылады.

Оның айтуынша, мұнай өнімдеріне акциздерді 20 теңгеге ұлғайту мәселесі қарастырылуда. Олардың алдын ала есептеуі бойынша қосымша түсімдер 104 млрд теңгені құрайды.

«Бұл ЖЖМ бағасының өсуіне әкеледі. Өз кезегінде, ақшаны өз қалтасынан тағы да халық пен бизнес төлейді. Сонымен қатар, бензин бағасының көтерілуі бағалар мен тарифтерге каскадты әсер етеді және нәтижесінде халықтың нақты табысының құлдырауына және инфляцияның кезекті айналымына алып келеді», – деді ол.

Оның бағалауы бойынша мұндай шаралар елдің инвестициялық ахуалына теріс әсер етуі және инвестицияларды қысқартуы мүмкін.