Түнде Алматыда 60 нысанды су басты

574
Түнде Алматыда 60 нысанды су басты

Алматы. 28 сәуір. 7kun.kz — Түндегі толассыз жауыннан Алматыда 60 су басу жағдайы тіркелді, деп хабарлайды ҚР ІІМ Төтенше жағдайлар комитетінің баспасөз қызметі.

Атап айтқанда, 11 жеке тұрғын үйді, 37 ауланы және 9 көшені, «Азия» базары аумағындағы 3 нысанды, «Алматы Оптика» дүкені (Алмалы ауданы) мен «Ботагөз» жеке балабақшасы аумағы су астында қалған.

Алатау ауданында саманнан салынған баспана қирап қалған. Қаза тапқандар мен зардап шеккендер жоқ.

Қазіргі кезде ТЖ департаменті мен Құтқару қызметі бірлесіп, су сорғыту жұмыстарын іске асырып жатыр. Оған 50 адам, 20 дана техника, 24 мотопомпа жұмылдырылды.