Twitter жарнамадан 730 млн доллар пайда тапты

Twitter
Фото: kod.ru

Алматы. 29 шілде. 7kun.kz — Twitter-дің монеталанатын аудиториясы бір күнде 139 млн пайдаланушыға дейін өсті. Компания 2019 жылдың екінші тоқсанында жарнамадан 727 миллион доллар пайда тапты.

2019 жылдың екінші тоқсанында Twitter-дің монеталанатын аудиториясы (mDAU) күніне орташа есеппен 139 млн пайдаланушыны құрады — 2018 жылдың ұқсас кезеңінде 122 млн пайдаланушы. Метрика әлеуметтік желілерде жарнаманы көретін пайдаланушыларды есептейді және Twitter-ге TweetDeck сияқты қосымша сервистер арқылы кіретіндерді қоспайды, деп хабарлады Reuters. Бірінші тоқсанда mDAU көрсеткіші 134 млн пайдаланушыны құрады.

Бұған дейін Twitter әлеуметтік желінің барлық аудиториясы туралы мәліметтерді жариялады, бірақ қазір mDAU көрсеткішіне назар аударады. Компания басшылығының пікірінше бұл — объективті, деп жазды CNBC.

Айта кетейік, екінші тоқсанда Twitter түсімі 18%-ға өсіп, 841 миллион долларды құрады. Компанияның таза кірісі бір жыл бұрынғы 100 миллион доллардан 1,1 миллиард долларға дейін өсті. Пайда компаниянығ қайта құрылымдауына байланысты 1 млрд доллар салық бонустары есебінен өсті. Жарнамадан түскен түсім 727 млн долларды құрады (жылдық өсім — 21%).

Сарапшылар Twitter-дің кірісі 829 миллион долларды, ал mDAU 135 миллион пайдаланушыны құрайды деп күткен. Сондай-ақ, олар үшінші тоқсанда Twitter 815-875 миллион доллар көлемінде кіріс алады деп болжайды.