Қазақстанда Bulbul онлайн радиоcы жұмыс істей бастады. Бұл туралы радиожүргізуші Қалдыбек Жайсаңбай әлеуметтік желідегі парақшасында жазды.
2 қазаннан бастап жұмыс істей бастаған онлайн радионың авторлары белгілі радиожүргізушілер Қалдыбек Жайсаңбай мен Әзімхан Ахмет.
«Радионың ашылу мақсаты түркі тілдес елдерінің үздік әндерін бір арнаға тоғыстырып, ел-жұртқа таныстыру арқылы осы елдерді бір-біріне жақындастыру, мәдениеттерін байланыстыру, түп-тамырымыздың бір екенін насихаттау. Жат елдердегі қаракөз ағайындарымыздың мауқын басу үшін төл әндерімізді тарату» делінген радио сайтында.
Тыңдарман радионы radio-bulbul.kz сайтынан тыңдай алады.
Еске сала кетейік, Қазақстанда бұған дейін ne.fm онлайн радиосы іске қосылған еді.
