Ақтөбе. 19 сәуір. 7kun.kz - Есіл өзендегі су деңгейі критикалық шамаға жетеді. Ондағы су деңгейі көтерілсе жанындағы Петропавл, Қызылжар, Есіл және Шал ақын аудандарын су басады. Бұл туралы облыстық Төтенше жағдайлар департаментінің баспасөз қызметі хабарлады.
"Сергеев қоймасынан су ұлкен көлемде жіберілді. Жақын арада, Есіл өзенінде су деңгейі критикалық шамаға жетеді. Нәтижесінде Петропавл, Қызылжар, Есіл және Шал ақын аудандарын су басуы мүмкін", - деп жазылған баспасөз хабарламасында.
Департаменттің мәлімдеуінше, 16 сәуірдегі Жембарақ өзенінің тасуынан Рузаевка ауылында 83 тұрғын үй мен 185 аула су астында қалды. Мұндай жағдай Чистополье елді-мекенінде де орын алды. Онда 19 тұрғын үйді су басты. Ал Шарық өзені деңгейінің көтерілуінен Раисовка ауылының 30 үйін су шайып кетті.
Айыртау ауданындағы Константиновка ауылында Бабык-Бурлук өзенінің тасуынан 12 үйдің ауласы суға толып, 10 үйдің ішінде су еденге дейін көтерілді.
СҚО ТЖ департаменті жергілікті атқарушы органдардағы полицейлер қызметінің көмегімен 780 адам эвакуацияланды. Оның 110 балалар. Зардап шеккендер эвакуация пунктілеріне және туыстары мен таныстарының үйіне көшірілді.
Сонымен қатар, 1929 үй жануарлары да қауіпсіз жерге айдалды. Ал Рузаевка ауылында 92 бас мал өлген.
Похожие материалы
