Алматы. 5 маусым. 7kun.kz – Бірінші қазақстандық лоукостер — FlyArystan 2019 жылдың мамыр айында 50 мыңнан астам жолаушыны тасымалдады. Бұл туралы әуекомпанияның баспасөз қызметі хабарлады.
Өткен айда орындалған рейстер саны — 309. Рейстерді уақытылы орындау көрсеткіші 94%-ға жетті, ал әуекемелердің жүктеме коэфиценті — 93%.
«Әуекомпания сайтында 26 қазанға дейін ұшуды жоспарлаған жолаушылар үшін билет сатылымы ашық. Сол себепті мамырдың соңына дейін сатылған 125 000-нан астам билеттердің 60%-дан көбі — бірнеше ай бұрын сапарларын жоспарлаған жолаушылар саны екенін атап кеткен жөн», — делінген хабарламада.
Еске сала кетейік, FlyArystan ұшақтары мамыр айынан бастап Алматыдан — Нұр-Сұлтан, Тараз, Орал, Қарағанды, Шымкент, Павлодар қалаларына қатынай бастады.
