Алматы. 19 желтоқсан. 7kun.kz – Ашық НҚА веб-сайтында «Алматы қаласында шетелдіктер үшін туристік алым мөлшерлемелерін бекіту туралы» құжат пайда болды, деп хабарлайды 7kun.kz. 

«2023 жылғы 1 қаңтардан бастап Алматы қаласында шетелдіктер туристерді орналастыру орындарында тұру құнының 5% мөлшерінде туристік алым мөлшерлемелері бекітілсін», – делінген құжатта.

Құжатта көрсетілгендей, шетелдіктер үшін туристік салық мөлшерлемелерін есептеу өткен жылғы статистикаға негізге алынған.

Ұлттық статистика бюросының мәліметінше, 2021 жылдың екінші тоқсанында Алматыда келу туристік орындарында 54 238 адамға, 2022 жылдың екінші тоқсанында 151 467 адамға қызмет көрсетілді. Бір жыл ішінде туристердің 97 229 адамға, яғни 179,2%-ға өскен.

Бұл ретте, шетелдіктер үшін туристік салықты төлеу қағидалары өткен күнтізбелік жылдың сәйкес кезеңімен салыстырғанда туристерді орналастыру орындарында шетелдік туристер саны артқан жағдайда туристік салықтың мынадай мөлшерлемелерін белгілейді:

• 5%-ға дейін – тұру құнының 1%-ы мөлшерінде;
• 5-тен 10%-ға дейін – тұру құнының 2%-ы мөлшерінде;
• 10-нан 15%-ға дейін – тұру құнының 3%-ы мөлшерінде;
• 15-тен 20%-ға дейін – тұру құнының 4%-ы мөлшерінде;
• 20% және одан жоғары - тұру құнының 5% мөлшерінде.

Осыған сәйкес, Алматы қаласы мәслихатының 2023 жылғы 1 қаңтардан бастап туристерді орналастыру орындарында шетелдіктер үшін туристік алымға 5 пайыздық мөлшерлемені қолдану туралы шешімі қабылданды.

Туристерді орналастыру орындары –  мотельдер, кемпингтер, туристік базалар, қонақ үйлер, демалыс үйлері, пансионаттар және туристерді орналастыру және оларға қызмет көрсету үшін пайдаланылатын басқа да ғимараттар мен құрылыстар.

Шетелдіктер үшін туристік алым қалалар мен облыстардағы хостелдерді, қонақ үйлерді, жалға берілетін тұрғын үйлерді қоспағанда, туристерді орналастыру орындарында болған әрбір күн үшін туристерден алынады.

Құжат Ашық НҚА порталында 30 желтоқсанға дейін орналастырылған.