«Реал» футбол клубының және Португалия құрамасының шабуылшысы Криштиану Роналду CR7 бренді аясында қонақүйлер желісін ашады. Бұл туралы L’Equipe хабарлайды.

К.Роналду бұл жобаларға 37 миллион еуро салған. Оның алғашқы қонақүйлері Португалияда, Мадридте және Нью-Йорк қаласында ашылады. Футболшының бұл бизнестегі серіктесі - ірі португалиялық Pestana қонақүйлер желісі. «Футбол-менің жұмысым. Бірақ ол мәңгілік емес. Сондықтан мен өзімді жаңа жобада байқап көрмекпін. Mенімен бұл саланың білікті мамандары серіктес болып отыр. Мен жаспын, алайда өзімді қалыптастырған адаммын. Бұл іс мені шабыттандырады. Ұлымды ойлaймын, болашақты, отбасымды ойлаймын», -деді К.Роналду. Фото:Getty Images