2016 жылдың 3 ақпанында Қазақстан қор биржасындағы (KASE) күндізгі сессия қорытындысы бойынша доллардың орташа бағамы 373,56 теңге болды.  Бұл туралы биржаның ресми сайтында жазылды.

KASE ақпаратына сәйкес, АҚШ долларына қатысты сауданың минималды курсы 369,60 теңгені құрады. Максималды курс — 377,90 теңге, сауданың аяқталуы кезінде 370 теңге болды.

Күндізгі сессияда сауда көлемі 64 млн 350 мың теңге болды. Валюта операциясына байланысты келісім саны — 101.

Таңғы және күндізгі сессия қорытындысы бойынша доллардың орташа бағамы 375,25 теңге болды. Ал 3 ақпанға арналған ресми бағам — 369,15 теңге. 4 ақпан күнгі ресми бағам 375,25 теңге болып белгіленеді.

Айта кетейік, 2016 жылдың 5 қаңтарынан бастап шетел валюталарына қатысты теңге курсын белгілеу туралы ережеге өзгерістер мен толықтырулар енгізілді. Енді долларға қатысты теңгенің орташа ресми бағамы Қазақстан қор биржасындағы таңғы және күндізгі сессия қорытындысы бойынша белгіленеді.

Ақша айырбастау орындарында доллар 372-375 теңге аралығында сатылып жатыр (Алматы уақытымен 16:00).

Фото: time.kz